Un incendio moi virulento en Verín ameaza un núcleo de poboación
Está declarada a 'situación 2' como medida preventiva. En poucas horas estendeuse con rapidez.
Incendio de Verín. Foto: @BrifLaza
A Consellería do Medio Rural declarou como medida preventiva a 'Situación 2' no incendio forestal que permanece activo no municipio ourensán de Verín, parroquia de Val. Este nivel operativo de emerxencia declárase pola proximidade do lume ao núcleo de Quirugás.
Segundo detallou o departamento autonómico, este incendio empezou ás 16,30 horas e, segundo as primeiras estimacións, afecta a máis de 40 hectáreas.
No seu control traballan un técnico, catro axentes, 22 brigadas, 10 motobombas, tres pas, 12 helicópteros e catro avións.
Tal e como informan membros dos servizos de extinción en Twitter, as chamas avanzan con especial virulencia.
Ademais, o lume obrigou a cortar a estrada N-525, segundo contan outros efectivos de emerxencias.
Escribe o teu comentario