Santiago axudará aos propietarios con menos recursos onde se instalen ascensores

|

Ascensor


O Concello de Santiago pedirá a anexión da capital galega á prórroga de 2017 e 2018 dos fondos do Programa de Rexeneración e Renovación Urbanas, acordados entre o Ministerio de Fomento e o Instituto Galego de Vivenda.


Diso informou este mércores o concelleiro de Espazos Cidadáns e Dereito á Vivenda de Santiago, Jorge Duarte, que explicou que, con estes fondos, beneficiaranse un total de 184 propietarios e permitirán a construción de seis ascensores en cada unha das Áreas de Rehabilitación Integral (ARI) de Vista Alegre, Pontepedriña e Vite --esta última recentemente aprobada--, ademais do mantemento de 40 edificios do ARI da cidade histórica.


Estes plans xa permitiran executar unhas obras entre 2015 e 2016 que incluían 40 accións na zona vella e a construción de cinco ascensores --que afectaban a 80 vivendas-- no barrio de Vista Alegre e que tiñan un orzamento total de 900.000 euros.


Pola súa banda, Duarte declarou que a zona de Pontepedriña non se incluíu entre as actuacións anteriores debido a que non se aprobou o estudo en detalle a tempo. Tanto a redacción deste, coma o de Vite, prevese lista para finais de ano.


AUMENTO DA CONTÍA


O edil ve "necesario" triplicar a dotación económica destas axudas, xa que existe unha "demanda continua" e "moi importante" destas obras nos barrios xa mencionados para facilitar a accesibilidade da xente maior ás vivendas.


En concreto, o Consistorio solicitou un total de 2.687.000 euros dos "entre oito e 10 millóns" de fondos estatais que dispón Galicia para a rehabilitación dos ARI.


A maiores, a institución municipal dotará dunhas "axudas complementarias" á xente con menos recursos, xa que os fondos estatais, que financian entre o 35 e o 50 por cento das obras, son iguais por vivenda, sen diferenzas entre a renda dos veciños.


Duarte puxo en valor que os fondos complementarios "facilitan" as obras e xeran "emprego e riqueza". Con todo, estas axudas municipais terán que ser devoltas en caso de herdanza ou de venda da propiedade.

relacionada Paga 40 euros ao día para saír da casa porque os seus veciños non queren ascensor
relacionada A Xunta traballa nunha lei que permitirá a expropiación de edificios abandonados
relacionada Santiago crea unha bolsa municipal de vivendas baleiras para o alugueiro

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress