Case 100.000 persoas visitaron as festas do Apóstolo en Santiago

|

Apostolfuegos



O alcalde de Santiago, Martiño Noriega, fixo balance este martes das festas do Apóstolo, que finalizaron na xornada deste luns, e destacou as "case 100.000 persoas" que visitaron Compostela con motivo da celebración. Así mesmo, mostrouse satisfeito de que "todo saíse ben" durante os días de festa na capital galega.


En rolda de prensa, o rexedor compostelán reiterou en varias ocasións que ten "a sensación de que as festas cumpriron co seu obxectivo", debido ao "retorno moi positivo" que obtivo por parte dos cidadáns.


Así mesmo, lembrou que nesta ocasión se tratou dunha festividade "descentralizada", "completa" e "interxeracional", que se demostra nas cifras. Ademais incidiu en que o programa incluíu e consolidou tanto iniciativas levadas a cabo en anos anteriores como "novas apostas".


Así, puxo como exemplo o espectáculo pirotécnico do 24 e 31 de xullo, para o que se deu "un amplo consenso cidadán a respecto da calidade do mesmo". "En canto aos lumes da xornada do luns apenas houbo críticas, senón que todo foron felicitacións", apuntou Martiño Noriega.


CIFRAS


No plano cuantitativo, o rexedor fixo fincapé nos "concertos centrais" --os celebrados na Praza da Quintana--, aos cales, segundo estimaron, acudiron unhas 49.300 persoas.


Doutra banda, tamén fixo referencia a outros espectáculos musicais como os que tiveron lugar na compostelá Praza do Toural, aos que acudiron unhas 7.000 persoas. Así mesmo, apuntou a que "outros concertos tiveron un aforo dunhas 2.000 persoas", e mesmo a sesión vermú "albergou unhas 700 persoas".


CRÍTICAS


Neste sentido, e en resposta aos xornalistas, Noriega fixo referencia ás críticas vertidas polo portavoz municipal do PSOE, Paco Reyes, nunha rolda de prensa previa.


Na súa intervención ante os medios, Reyes indicou que "as festas non estiveron á altura tendo en conta o orzamento", e lembrou que "este ano, foi o de maior investimento".


Ante estas declaracións, o rexedor compostelán incidiu en que "é mentira que este ano fose o de maior orzamento" e recalcou que contaban "con menos presuposto que o ano anterior".


Doutra banda, Reyes lamentou "a falta dunha gran actuación musical", que trouxese á cidade "a miles de persoas". Unha crítica á que Noriega respondeu lembrando que "os concertos do Apóstolo eran gratuítos", mentres que a maioría das grandes actuacións doutras festas "se custean co prezo da entrada, que en ocasións é moi alto".


Con todo, o portavoz socialista defendeu que "as festas non deben ser unha arma de debate político entre os diferentes grupos" e destacou a "mellora da pirotecnia con respecto ao anterior ano".


"TODO SAÍU BEN"


Así pois, Noriega mostrouse "moi satisfeito" de que "todo saíse ben" e de que a cidade "estivese en actividade permanente", tanto cultural como musical. Así mesmo, valorou que "todos os problemas que puideron xurdir liquidáronse bastante ben".


"A falta de pechar outro tipo de contabilizacións entendemos que hai unha alta satisfacción polo que foron as festas e mesmo un recoñecemento por parte da sociedade", concluíu.

relacionada As Festas da Ascensión de Santiago rozan a popularidade do Apóstolo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress