Andone: "Asino perder o que nos queda de pretempada e gañarlle ao Madrid"

|

AndonepartidoAndone aposta por empezar ben a liga. Foto: RC Deportivo


Florin Andone quítalle importancia á primeira derrota da pretemporada sufrida ante o Porto. O dianteiro branquiazul argumenta que "se tes boas sensacións é diferente, pero non deixa de ser pretemporada e un amigable".


Neste sentido, Andone sobe a aposta: "Asino perder todo o que nos queda en pretemporada e gañarlle ao Madrid", sentenciou.


No plano individual, recoñece non estar ao 100%, pero afirma traballar "ao máximo" en pretemporada para empezar ben a liga.


O xogador tamén respondeu sobre o culebrón deste verán do Dépor con Lucas Pérez. "Todos sabemos que é moi complicado que veña porque é un xogador que vale moitos millóns. Non o podes fichar de hoxe para mañá. Nunca se sabe, ata o 31 de agosto poden pasar moitas cousas", explicou Andone.


Ante a escaseza de efectivos arriba, dixo que "é normal que esteamos a buscar un, dous ou tres mesmo. É un tema que está a manexar o club e esperemos que veña canto antes porque non podemos estar cun dianteiro toda a liga".


AS OPCIÓNS DE LUCAS, MÁIS LONXE


Se había poucas opcións de incorporar este verán de volta a Lucas Pérez, conforme avanzan as semanas parecen menos. E é que, segundo contan varios medios de comunicación, o Arsenal rexeitou unha oferta do Dépor de 10 millóns polo dianteiro. Para o club inglés, vale 15.


Ao parecer, Arsene Wenger deixou claro que conta con el, e xustificou a súa ausencia nos últimos adestramentos por problemas físicos. 

relacionada Andone non contempla saír e Fayçal ten pé e medio fóra
relacionada Lucas Pérez, en venda, pero inalcanzable para o Dépor
relacionada O Dépor encaixa ante o Porto a primeira derrota da pretemporada

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress