O soldo medio en Galicia é de 3.000 euros menos ao ano que no resto de España

|

MujertrabajofabricaSó as empresas de máis de 50 traballadores se achegan á media española.


O salario bruto anual situouse en 19.859,6 euros en 2016 en Galicia, cifra un 0,32% superior á de 2015, segundo a enquisa de custo laboral que publica este venres o Instituto Nacional de Estatística (INE).


Este incremento contrasta coa evolución do dato estatal, que baixou un 0,3%. Con todo, os 22.771 euros de salario bruto anual da media son un 12,8% superior á cifra galega.


Por sectores de actividade, o salario bruto anual da industria na comunidade galega alcanzou a maior contía, de 23.858,23 euros. Na construción foi de 19.402,77 euros e en servizos, de 18.928,88.


Mentres, se o que se ten en conta é o tamaño do establecemento, o salario bruto anual daqueles con de 1 a 49 traballadores situouse en 16.708,46 euros e a cifra repunta co incremento: de 50 a 199, 21.041,68 euros e de 200 ou máis, 25.661,46.


CONXUNTO ESTATAL


No conxunto estatal, o salario bruto anual situouse en 22.771 euros en 2016, cifra un 0,3% inferior á de 2015.


O 74,6% do custo bruto constituírono soldos e salarios, mentres que as cotizacións á Seguridade Social, que ascenderon a 7.056,87 euros por traballador, representaron o 23,1% do total. Deste xeito, salarios e cotizacións supuxeron o 97,7% do custo bruto.


Ademais destas partidas, 267,6 euros anuais destináronse a beneficios sociais por traballador (cotizacións voluntarias a seguros e plans de pensións, prestacións complementarias á Seguridade Social, etc.); 123,1 euros a outros gastos derivados do traballo (indemnizacións por fin de contrato, roupa de traballo, transporte, etc.); 218,6 euros a indemnizacións por despedimento, e 90,89 euros a formación profesional.

relacionada Os galegos deixamos cada mes unha cuarta parte do soldo no aluguer
relacionada Os galegos cobramos uns 490 euros menos ao mes que os traballadores europeos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress