Buscan con drons a un octoxenario desaparecido en Curtis

|

Dron


A Unidade Operativa de Drons da Axencia Galega de Emerxencias (Axega) incorporouse ás tarefas de procura dun home de 89 anos desaparecido en Curtis.


Segundo informa o 112 Galicia, está previsto que os avións non tripulados da Axega operen na zona ao longo da mañá deste xoves.


O home, veciño da parroquia de Fisteus, leva desaparecido desde a tarde do mércores. Minutos antes das 17,00 horas, o seu fillo contactou co 112 Galicia para dar a voz de alarma. Tras iso, o persoal do Centro de Atención ás Emerxencias do 112 informou da situación ao GES de Curtis e á Garda Civil.


Ao longo da tarde do mércores xa se desenvolveu un primeiro operativo no que participaron diversos efectivos de emerxencias, así como un helicóptero da Garda Civil.

relacionada Incorporan drons á procura do desaparecido en Castro Caldelas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress