Adxudicadas as primeiras 27 concesións do novo plan de transporte

|

ArrivaautobusFaltan outros 11 contratos por adxudicar.


A Xunta concluíu a valoración das ofertas presentadas a 27 dos novos contratos de transporte público de Galicia, de forma que adxudicou as primeiras concesións, que se van en 18 casos para unións temporais de empresa (UTE) e en dúas, para a empresa Arriva.


A adxudicación doutros 11 contratos, segundo indica a Consellería de Infraestruturas nun comunicado, "producirase previsiblemente no día de mañá", por este xoves, cando os técnicos da administración conclúan a análise da documentación adicional requirida ás firmas.


Ademais, informa de que abriu "a vía dos contactos" coas empresas para a adxudicación directa dos contratos denominados XG501-Baixa Limia, XG503-Terra de Celanova e XG505-Ourense, ante a falta de ofertas válidas para concorrer a esas concesións.


OFERTAS Á BAIXA


A conselleira de Infraestruturas, Ethel Vázquez, revelou pola mañá a existencia de "baixas importantes" en ofertas presentadas por algunhas empresas.


Segundo avanzou Vázquez este mércores en Vilanova de Arousa, a Xunta analiza se esas baixas son "temerarias" --unha baixa temeraria é como se denomina a aquela oferta anormalmente baixa--.


En declaracións aos medios de comunicación, a conselleira criticou ás empresas que "trasladan por unha banda" que algúns dos contratos da primeira fase do plan de reordenación do transporte público de viaxeiros por estrada son "ruinosos", pero, "doutra banda", presentaron ofertas "a moitos concursos" e fixérono con "baixas importantes".


Mentres, as patronais auguraron o fracaso do plan de transporte do Executivo autonómico pola baixa concorrencia de empresas.

relacionada As empresas de autobuses auguran o "fracaso" do plan da Xunta
relacionada As adxudicacións do transporte resolveranse coas "peores relacións imaxinables entre Xunta e sector"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress