Evacuan das Cíes a un neno con febre e a un adulto que sufriu un síncope

O menor puido esperar a ser trasladado no barco de liña regular, pero ao home tívoo que ir buscar Salvamento Marítimo.


|

RodasciesPraia de Rodas, Illas Cíes.


Efectivos de emerxencias de Vigo, coordinados polo centro de Salvamento e Socorrismo do Concello olívico, evacuaron este venres das illas Cíes a un neno de catro anos, con domicilio en Pinto (Madrid), que presentaba febre, e a un home de 38 anos, domiciliado en Francia, que caeu e se lesionou tras sufrir un síncope.


Segundo informaron fontes municipais a Europa Press, pasadas as 15,00 horas deste venres unha muller acudiu co seu fillo ata a dotación sanitaria do posto de Rodas para alertar de que o pequeno, que foi operado de otitis en 2016, tiña febre, malestar xeral e dor de cabeza que irradiaba dos oídos.


Os sanitarios comprobaron que o menor presentaba 38,2 graos de temperatura, polo que lle administraron compresas fías e paracetamol. Pouco despois, o neno foi trasladado nun barco de liña regular ata a cidade de Vigo, onde os seus pais o levaron ata un Punto de Atención Continuada (PAC) para a súa valoración.


Posteriormente, sobre as 17,40 horas deste venres, unha dotación sanitaria atendeu unha alerta por un home que manifestou que caera tras sufrir un síncope. O home presentaba tensión arterial "inestable", hemorraxia nasal e unha posible escordadura nun nocello, polo que os sanitarios cortaron a hemorraxia e vendáronlle o nocello.


Ademais, administróuselle un medicamento por vía intramuscular e, ao non considerarse recomendable o seu traslado nun barco de liña regular, solicitouse a presenza da embarcación 'Salvamar Mirach' de Salvamento Marítimo. Unha vez embarcado o paciente, mobilizouse unha ambulancia ao Porto de Vigo para trasladar ao home ata un centro sanitario.

relacionada Expulsan de Cíes dúas veces en cinco días a un mozo anormalmente violento
relacionada A Xunta deixa outro verán as illas Cíes e Ons sen médico permanente
relacionada Asmig reclama un servizo médico permanente para Cíes e Ons durante os meses de verán

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE