As cifras dos hoteis galegos despuntan neste inicio do verán

|

HabitacionhotelMáis clientes e a un prezo un pouco máis alto.

Os hoteis galegos rexistraron 859.230 pernoitas o pasado mes de xuño, o que supón un incremento do 7,8% respecto ao mesmo período do ano anterior, segundo os datos que publica este venres o Instituto Nacional de Estatística.


En canto aos viaxeiros, Galicia recibiu durante o sexto mes do ano un total de 460.539, cunha estancia media que se sitúa en 1,87 días xornadas (algo superior aos 1,73 días de 2016, pero a metade que a media española, que son 3,5 noites).


Os prezos nos hoteis galegos experimentaron un aumento do 2,7% e a tarifa media diaria alcanzou os 55,7 euros, un 4,8% máis (fronte aos 87,5 euros da media española). Pola súa banda, os ingresos por habitación dispoñible alcanzaron os 25,5 euros, o que representa unha subida do 10,3%.


En canto ao conxunto estatal, os hoteis españois rexistraron 36,5 millóns de pernoitas o pasado mes de xuño, o que supón un 6,2% máis que no mesmo mes de 2016, segundo os datos difundidos este venres polo Instituto Nacional de Estatística (INE).

relacionada Galicia rexistrou unha ocupación do 85% durante a Semana Santa
relacionada O Resurrection Fest denuncia prezos abusivos dos aloxamentos turísticos durante o festival

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress