Leiceaga non anunciará se se presenta ás primarias antes de que se convoquen

|

LeiceagapechecampaaLeiceaga di que "hai un tempo para apurar a reflexión".

O portavoz parlamentario do PSdeG, Xoaquín Fernández Leiceaga, ratificou este mércores que "reflexiona seriamente" presentarse ás primarias do seu partido, pero axustarase aos tempos e anunciará a súa decisión cando corresponda.


"Eu son respectuoso coas formalidades. As primarias non están convocadas e anunciar que te vas presentar a algo que non está convocado non forma parte dos meus hábitos. Hai un tempo para apurar a reflexión e, cando toque, anunciarei a miña decisión", sentenciou, nunha entrevista coa Radio Galega.


Leiceaga defendeu que o PSdeG ten "a obrigación de construír unha alternativa de esquerda ás políticas do PP en Galicia", á vez que subliñou que agora o PSdeG está "máis estabilizado", unha situación que vincula coa vitoria de Pedro Sánchez.


Ao seu xuízo, que Sánchez volva estar á fronte da Secretaría Xeral contribúe a que o partido teña "unha dirección clara, un rumbo", o que axuda a que en Galicia a formación estea tamén "máis tranquila".

relacionada Gonzalo Caballero, primeiro aspirante ás primarias do PSdeG
relacionada Ferraz devolve ao PSdeG as competencias para convocar primarias e congreso

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress