Xincanas e excursións en San Simón, un campo de concentración franquista

|

Sansimonmemoria26.000 persoas estiveron retidas polo franquismo. //Foto: IGM

A Iniciativa Galega pola Memoria, que agrupa distintos colectivos de Galicia, iniciou unha recollida de firmas para reivindicar que a Illa de San Simón, en Redondela, reciba "un tratamento acorde co seu pasado como cárcere", e non sexa utilizada como "un parque de atraccións".


Baixo o nome 'San Simón, illa da memoria', a campaña, que conta co apoio de parlamentarios como Luís Bará (BNG) e Ángeles Cuña (En Marea), e de escritores como Xosé María Álvarez Cáccamo e César Calvar, busca "loitar contra o humillante trato que a Administración autonómica dá ás vítimas do terror franquista".


Así, o colectivo censurou que se converteu "este lugar de represión e memoria nun parque de atraccións, con xincanas e excursións nas que os participantes non reciben explicación ningunha do que foi esta illa no tempo do terror".


Tal e como lembrou, durante o franquismo, a Illa de San Simón acolleu un campo de concentración no que estiveron retidas máis de 6.000 persoas entre 1936 e 1943, polo que avisou de que denunciará "cada acto contrario á memoria que a Xunta poña en marcha".

relacionada O "bloqueo institucional" da devolución do Pazo de Meirás tópase coa sociedade civil
relacionada Homenaxe da Deputación de Pontevedra ás mulleres vítimas do franquismo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress