O Celta presenta a Lobotka e busca equipo para Marcelo Díaz
O centrocampista de 22 anos presentouse hoxe á afección celeste. Quere o Celta de volta en Europa.
Lobotka presentouse á afección celeste. //Fonte: RC Celta
Lobotka, unha das sensacións do último Europeo Sub-21, xa exerce de celeste. O centrocampista internacional con Eslovaquia presentouse ante os medios de comunicación e a afección no estadio de Balaídos.
Tras recibir a benvida do vicepresidente Pedro Posada e do director deportivo Felipe Miñambres, Lobotka pronunciou as súas primeiras palabras como xogador do Celta: "Estou feliz por chegar a un equipo ao que lle gusta o fútbol. É unha honra estar aquí".
Lobotka mostrouse esta mañá ambicioso sobre os obxectivos do equipo. O centrocampista ten claro a que deben aspirar: Champions ou Europa League.
Mentres, no apartado de saídas, o Celta busca equipo para Marcelo Díaz. "El o que quere é xogar, que é o importante e nós queremos que poida estar nun sitio onde poida ter minutos. Pero xa veremos", recoñeceu Felipe Miñambres.
Escribe o teu comentario