Noriega resta transcendencia ao intento do PP de desbancar os alcaldes das mareas

|

Martionoriegasantiago 2Noriega atribúe os intentos á "soidade máis absoluta" do PP.

O alcalde de Santiago de Compostela, Martiño Noriega, manifestou este luns que ve nos comentarios do dirixente popular coruñés Diego Calvo sobre supostas reunións entre sectores moderados do PSOE e do PP para recuperar alcaldías en cidades "unha chamada de auxilio desesperada".


Así o sinalou o rexedor compostelán a preguntas dos xornalistas por esas manifestacións do presidente provincial do PP sobre encontros con socialistas para alcanzar acordos de gobernabilidade e desbancar os alcaldes das mareas, que rexeitou o portavoz municipal socialista, Paco Reyes.


"Supoño que o obxectivo de Diego Calvo será desestabilizar o espazo do Partido Socialista despois da vitoria no proceso de primarias de Pedro Sánchez, e no novo rumbo emprendido pola dirección do PSdeG e do PSOE", considerou Noriega.


"Paréceme moi ben a resposta de Paco Reyes. Parece máis unha chamada de auxilio desesperada dun Partido Popular que está sentado na soidade máis absoluta, que algo que teña unha base de certeza", recalcou Noriega.


Neste sentido, o rexedor compostelán incidiu en que "o PSOE decidiu un novo rumbo" tras "unhas primarias intensas". Sobre iso, considerou que "o rumbo que elixiu o PSOE está bastante afastado dos desexos e pretensións de Diego Calvo", para "pesar de Diego Calvo", segundo abundou.


"PROPIETARIO DAS MIÑAS AUSENCIAS"


Noriega afirmou este luns que non ten "nada novo que dicir" sobre o resultado do plenario de En Marea o sábado, ao que non acudiu, como o seu homólogo da Coruña, Xulio Ferreiro.


"Son propietario dos meus silencios e das miñas ausencias e fágoas desde unha posición de responsabilidade e entendo que nestes momentos é o mellor que podo achegar", aseverou Noriega. Dos tres alcaldes das Mareas, só acudiu ao plenario do sábado o de Ferrol, Jorge Suárez.


Neste sentido, lembrou que nos últimos meses deu "pasos atrás". "Non teño ningunha obrigación de exercer como portavoz e tampouco ningún interese en facelo nestes momentos", concluíu o rexedor compostelán, membro de Anova.

relacionada O modelo oficialista imponse ás teses dos críticos de En Marea
relacionada Noriega, optimista ante o segundo plenario da "construción" de En Marea
relacionada Os alcaldes de Santiago, A Coruña e Ferrol celebran dous anos de 'cambio político'

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress