A salvo os sete tripulantes dun barco que sufriu unha vía de auga preto de Cangas
Os socorristas da praia de Rodeira realizaron unha intervención de emerxencia. Só o patrón resultou ferido cun golpe na cara.
Praia de Rodeira, en Cangas.
Os sete tripulantes dunha embarcación tiveron que ser auxiliados tras sufrir unha vía de auga a última hora da tarde do domingo nas proximidades de Cangas.
Segundo informou o 112 Galicia, sobre as 20,00 horas do domingo os socorristas da praia de Rodeira, en Cangas, informaron dunha intervención de emerxencia debido a unha embarcación con sete tripulantes a bordo que sufrira unha vía de auga.
A pesar de que todos os tripulantes estaban a salvo, o patrón do barco resultou ferido. Segundo indicaron, levou un golpe no cara pero rexeitou a intervención dos medios sanitarios xa que el mesmo acudiu a un centro sanitario polos seus propios medios, segundo sinalou o 112.
Por parte do 112 Galicia tras recibir a alerta do socorrista da praia, informouse do suceso a Salvamento Marítimo e ao Servizo de Gardacostas de Galicia. Tamén se pasou aviso ao 061, Garda Civil e a Protección Civil de Cangas, que confirmaron que a embarcación quedou varada na praia á espera de arranxar o problema.
Escribe o teu comentario