Caos de tráfico nas saídas de Vigo por un accidente en Rande
As distintas saídas da cidade colapsaron nunha xornada con afluencia masiva ás praias.
Retencións na autoestrada.
Un accidente de tráfico en Rande, concretamente unha colisión, ocasionou retencións duns tres quilómetros na AP-9 en sentido Pontevedra, segundo informaron fontes da Dirección Xeral de Tráfico a Europa Press.
Este feito provocou que as distintas saídas de Vigo estean "colapsadas", ata o punto de que o tráfico está detido nas entradas de Guixar, Lepanto, San Lorenzo e Buenos Aires, segundo informou a Policía Nacional.
A este feito súmase a calorosa xornada deste sábado, que moitos aproveitan para desprazarse ás praias da provincia, con temperaturas iguais ou superiores aos 34 graos no sur de Pontevedra.
Escribe o teu comentario