Estrella Galicia elixe Brasil para a súa segunda fábrica no mundo
O mercado brasileiro, onde desembarcou en 2008, "é o primeiro en importancia" para a compañía fóra de Europa.
A compañía desembarcou no mercado brasileiro en 2008.
Estrella Galicia anunciou a súa intención de contruir unha segunda planta de fabricación de cervexa e concretou que a localidade escollida é Poços de Caldas, no estado brasileiro de Minas Gerais.
Como concretou a compañía a través dun comunicado remitido aos medios, nesta iniciativa investirá uns 100 millóns de reais para unha capacidade instalada inicial de 20 millóns de litros "ampliables en función da demanda".
Ademais, indicou que o mercado brasileiro "é o primeiro en importancia" para Estrella Galicia "fóra de Europa" e supón "un gran potencial" tanto no consumo global como para a gama 'premium', pois "está a experimentar un gran crecemento".
De feito, esta marca iniciou o seu desembarco en Brasil en 2008 e "consolidouse como un dos operadores de referencia en cervexa europea premium". Actualmente ten unha filial en Sao Paulo.
Escribe o teu comentario