Máis de 200 familias de galegos esperan unha axuda para retornar de Venezuela

|

AvionembarqueGalicia envía ao ano 600.000 euros a Venezuela.

O secretario xeral de Emigración, Antonio Rodríguez Miranda, reuniuse con Manuel Pérez Vidal, presidente da Federación Venezolana de Galicia, entidade que agrupa a boa parte dos galegos retornados deste país, a quen trasladou o "firme compromiso de colaboración e axuda" da Xunta cos retornados e cos galegos que residen en Venezuela.


Non en balde, segundo indica o Goberno galego nun comunicado, máis de 200 familias galegas residentes neste país terán unha axuda para o seu retorno.


Miranda lembrou que, ademais dos 600.000 euros anuais que Emigración destina para axudar ás comunidades e galegos en Venezuela --especialmente a aqueles membros da diáspora en situación de maior precariedade--, o acordo adoptado no Consello por parte do Goberno galego "duplica" esta cantidade.


Con estes recursos, a Xunta defende que axuda ás familias galegas residentes en Venezuela e asísteos no seu retorno. "Estamos a traballar en diferentes mecanismos para paliar as consecuencias desta situación de crecente inestabilidade e tensión, para que os nosos paisanos sintan o respaldo e calor de Galicia", asegurou Miranda.


O secretario xeral lembrou, ademais, que boa parte do investimento social que a Xunta destina aos galegos de Venezuela faise efectiva sobre o terreo grazas á axuda das propias comunidades galegas asentadas no país.


"Elas son os nosos ollos para detectar as situacións delicadas que necesitan da nosa axuda, e as nosas mans para facer efectiva a solidariedade do pobo galego cos paisanos que están a atravesar este duro momento", subliñou.


200 SOLICITUDES DE AXUDAS EN 2017


Ao longo deste ano 2017, a Secretaría Xeral da Emigración recibiu 200 solicitudes de axudas para o retorno de familias galegas residentes en Venezuela en situacións de dificultade, que supoñen o 75 por cento do total (267) das recibidas ata o momento.


Estas dúas liñas de axuda están aínda en prazo de ser solicitadas.

relacionada O PSdeG pide acabar coa "dobre imposición fiscal" aos emigrantes retornados
relacionada Sae de prisión o opositor venezolano Leopoldo López

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress