Máis de 1.000 persoas apoian en Santiago os traballadores da Costa da Morte

A 'peregrinación' iniciada o mércores en Cee rematou cunha manifestación para que a Xunta free os plans de Villar Mir.


|

Ferroatlanticamanifestacion
Manifestación de apoio aos traballadores de Ferroatlántica. //Foto: @GalizaCIG


Máis dun milleiro de persoas manifestáronse este sábado pola mañá nas rúas do centro de Santiago en apoio aos traballadores de Ferroatlántica e en contra da segregación das centrais eléctricas das fábricas de ferroaleación da Costa da Morte.


Os manifestantes partiron da Alameda compostelá pasado o mediodía, ao berro de 'As centrais non se venden' e 'Os ríos son nosos e non de Villar Mir'.


O portavoz do comité de empresa, , advertiu de que a segregación das centrais eléctricas das fábricas de ferroaleación supoñería a "ruína" da comarca. Na manifestación participan tamén os portavoces parlamentarios de En Marea, PSdeG e BNG.


'PEREGRINACIÓN' DESDE CEE


Os traballadores de Ferroatlántica que iniciaron unha marcha desde Cee o pasado mércores chegaron este sábado en Santiago. 


Esta protesta coincide no tempo cunha xornada de folga que ten lugar nas fábricas e centrais de Ferroatlántica en Costa da Morte. Este calendario de mobilizacións foi acordado polo comité de empresa e ratificado o pasado día 30 de xuño polas asembleas de traballadores nos distintos centros.


O obxectivo é reclamar á Xunta que respecte "o marco legal" e impida a Ferroatlántica vender as centrais de forma separada, pois o persoal entende que levaría o peche das plantas. Con iso, advirte, perderíanse case 400 postos de traballo directos en Costa da Morte.


relacionada Máis de 70 traballadores de Ferroatlántica comezan o seu camiño a Santiago
relacionada En Marea augura a segregación de Ferroatlántica "na metade de agosto"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE