Dan o alto a un condutor que quintuplicaba a taxa máxima de alcoholemia
Unha patrulla da policía local de Ponteareas interceptouno circulando polo centro urbano sospeitosamente amodo.
A Policía Local de Ponteareas interceptou a pasada madrugada a un condutor que quintuplicaba a taxa máxima de alcoholemia permitida.
Segundo un comunicado emitido polas forzas da orde, unha patrulla observou un vehículo circulando polo centro urbano de Ponteareas circulando a "unha velocidade anormalmente reducida".
Ao achegarse ao coche, os axentes detectaron que o seu condutor se atopaba "baixo a influencia de bebidas alcohólicas" e, ao facer a proba, comprobouse que quintuplicaba a taxa permitida.
Así as cousas, o caso remitiuse ao xulgado de garda, por un suposto delito contra a seguridade viaria. O xuízo rápido celebrarase o vindeiro martes, día 11.
Escribe o teu comentario