O Rei e Pedro Sánchez manteñen unha longa reunión na Zarzuela

|

Felipevipedrosanchezzarzuela


A audiencia que o Rei Felipe VI concedeu este martes ao líder do PSOE, Pedro Sánchez, no Palacio da Zarzuela prolongouse unha hora e 45 minutos, un tempo máis longo do que adoita ser habitual, informaron fontes socialistas.


En 2014, cando Sánchez foi elixido por vez primeira secretario xeral do partido o seu encontro con Felipe VI, que levaba pouco máis dun mes na xefatura do Estado, estendeuse algo máis dunha hora. Entón, Sánchez destacou a "boa sintonía xeracional" que había entre eles.


A entrevista viña motivada pola elección de Sánchez como secretario xeral do primeiro partido da oposición, e responde á tradición que existe na Casa do Rei de que o Monarca reciba o líder da oposición cada vez que este é renovado.


Sánchez ofrecerá este martes na sede do PSOE en Ferraz a súa primeira rolda de prensa desde a súa elección nas primarias do 21 de maio, onde dará conta do encontro co xefe do Estado. O líder socialista será recibido o xoves polo presidente do Goberno, Mariano Rajoy, no Palacio da Moncloa.

relacionada Iglesias e Sánchez acordan unha axenda común na súa primeira reunión tras 15 meses
relacionada José Blanco apoia a tese de Sánchez e pide retomar o diálogo con Podemos e Cs
relacionada Felipe VI e o Rei emérito presiden o 300 aniversario da Escola Naval en Marín

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress