Pablo Insua ficha polo Schalke 04

O central galego formado no Dépor pasou as dúas últimas tempadas como cedido no Leganés, co que logrou o ascenso.


|

Insua


O Deportivo da Coruña chegou a un acordo co club alemán, o Schalke 04, para traspasar ao central galego, Pablo Insua, que xogará na liga alemá durante o próximas catro tempadas. 



O futbolista pasou o recoñecemento médico co Schalke a principios de semana e comprometeuse co club alemán ata 2022.


Aínda que ningunha das entidades fixo oficial a cifra do traspaso, este situaríase ao redor dos 3 millóns de euros, o 25% dos cales irán parar directamente a Facenda despois de que este mesmo xoves quedase resolto o convenio singular co Fisco tras abonarlle 43 millóns de euros.


Insua, que se formou no Deportivo, co que debutou en Primeira División e tivo continuidade en Segunda, militou as dúas últimas tempadas cedido no Leganés, co que logrou o ascenso á máxima categoría.


O míster do Schalke, Domenico Tedesco, falou do central como un xogador "tácticamente ben preparado, que actúa con rapidez e ten boa anticipación", segundo recolle a web do Schalke, que tamén facilitou declaracións do xogador.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE