O Dépor participará no Torneo Teide o próximo 12 de agosto
A cita supoñerá a última preparación da pretemporada dos galegos, que se enfrontarán ao Tenerife no torneo canario.
O Deportivo da Coruña fixo oficial a súa particiapción no torneo Teide deste verán nas Illas Canarias, que disputará ante o Tenerife o próximo 12 de agosto.
"Herculinos e chicharreros disputarán a 47ª edición do Trofeo Teide o sábado 12 de agosto, no Estadio dos Cuartos, na localidade de La Orotava, 35 quilómetros ao oeste de Santa Cruz de Tenerife. A hora de inicio do choque aínda está pendente de confirmación", explicou o club na súa web.
A última vez que ambos os equipos se enfrontaron foi en Segunda División na tempada 2013-2014. Hoxe, o Depor é equipo de LaLiga Santander mentres que o Tenerife quedou a un paso de ascender á elite do fútbol en favor do Xetafe.
O evento canario será a última cita do equipo coruñés na pretemporada deste verán, que empeza o 5 de xullo.
Escribe o teu comentario