Falece o motorista que sufriu un accidente grave en Vilagarcía
O suceso ocorreu pasadas as 13,20 horas na PO-548, á altura de Bamio, onde chocaron unha moto e un coche.
Un motorista resultou falecido a última hora deste luns nun accidente de tráfico rexistrado no municipio pontevedrés de Vilagarcía de Arousa.
Segundo a información da Central de Atención a Emerxencias 112-Galicia, o suceso ocorreu pasadas as 23,20 horas na PO-548, á altura de Bamio, onde chocaron unha moto e un coche. O motorista foi evacuado en estado moi grave, aínda que finalmente faleceu.
Ata a zona desprazáronse efectivos dos Bombeiros do Salnés, Servizo Municipal de Emerxencias, Policía Local e Protección Civil. Tamén foi desprazada unha ambulancia do 061, que trasladou á vítima a un centro hospitalario, onde só puideron certificar o seu falecemento.
Escribe o teu comentario