Fenosa inviste 735.000 euros en mellorar a rede eléctrica en municipios de Ourense e Lugo
As actuacións terán lugar no Carballiño, San Cibrao, Toén e Baralla e prevese que beneficiarán a máis de 1.860 fogares.
Unión Fenosa Distribución investiu máis de 735.000 euros en actuacións e obras de mellora de instalacións eléctricas en media e baixa tensión en diferentes municipios das provincias de Ourense e Lugo.
En concreto, realizaranse en O Carballiño, San Cibrao das Viñas e Toén, na provincia de Ourense, e no municipio de Baralla, na provincia lucense.
Prevese que as actuacións beneficiarán a máis de 1.860 fogares e están incluídas no Plan de investimentos que Unión Fenosa Distribución está a executar este ano para mellorar a calidade do servizo que presta aos seus clientes.
O obxectivo destas iniciativas é potenciar as infraestruturas de subministración de enerxía eléctrica e mellorar a rede de distribución eléctrica, especialmente en zonas rurais onde é necesario mellorar a calidade do servizo, contribuíndo ao desenvolvemento económico destes territorios e a mellora das súas condicións de vida.
Gas Natural Fenosa e Cáritas alíanse para loitar contra a vulnerabilidade enerxética
Escribe o teu comentario