A oposición pide a dimisión de Montoro polo escándalo da amnistía fiscal

PSOE, Podemos e Cidadáns reclaman responsabilidades políticas | O PP admite o erro e pide "escoitar a Montoro"


|

Montoroimpuestos


Os reproches cara a Montoro polo escándalo da amnistía fiscal, que aprobou en 2012 e que foi declarada inconstitucional polo alto tribunal, non deixan de sucederse. 


O último foi o deputado de Unidos Podemos, Íñigo Errejón, quen manifestou a "indignación" do seu partido coa sentenza do Tribunal Constitucional que anulou a amnistía fiscal concedida polo Goberno no ano 2012 porque non ten "efectos retroactivos" e "os señores privilexiados millonarios" non devolverán o "agasallo de Montoro", de quen pediu a súa dimisión.


"O señor Montoro, ministro de Facenda, ao mesmo tempo que nos segue diagnosticando a todos máis recortes, aos seus amigotes perdoáballes millóns de euros, e cremos que se tivese algunha vergoña, presentaría a súa dimisión", declarou Errejón durante unha visita á Feira do Libro do Parque do Retiro.


Errejón concluíu dicindo que o TC sinala na súa sentenza "unha cousa de sentido común", como é o feito de que as amnistías fiscais eximen a algúns da contribución cos gastos públicos, algo que segundo afirma "debería ser unha obrigación para todos os españois".


Tamén a presidenta da Junta de Andalucía, Susana Díaz, urxiu este venres ao ministro de Facenda, Cristóbal Montoro, a "dimitir, coller a porta e marchar canto antes" ante a "vergoña e indecencia" da amnistía fiscal que aprobou no ano 2002 e que foi declarada inconstitucional polo alto tribunal.


A xefa do Executivo andaluz destacou que a decisión de "aqueles 50 deputados socialistas que recorreron" a amnistía fiscal ante o TC "permitiron que hoxe se vexa con claridade que esa amnistía estaba feita para que os Bárcenas, Granados e demais se acollesen e blanquearan o seu diñeiro".


Díaz realizou estas declaracións despois de que na xornada do xoves o PSOE esixise a dimisión "inmediata" do ministro de Facenda e Función Pública a través do portavoz económico dos socialistas no Congreso, Pedro Saura, quen destacaba a unanimidade dos maxistrados do Alto Tribunal á hora de ditar a incompatibilidade desta decisión cos valores da Carta Magna, tras o recurso presentado fai cinco anos polo PSOE.


"En calquera país da Unión Europea o ministro de quenda dimitiría xa. Levamos cinco anos pedíndoo. Se tivese un mínimo de vergoña presentaríaa esta tarde mesmo. Tense que ir e pedimos a súa dimisión inmediata", dixo Saura, que cualificou a 'amnistía' como "a medida máis vergoñosa do Goberno de Mariano Rajoy".


"Trátase dunha das páxinas negras da Facenda pública española. O señor Montoro será lembrado por levar unha amnistía fiscal vergoñosa, que o Tribunal Constitucional vén de declarar nula e inconstitucional", sentenciou.


O que tivo un ton máis relaxado foi o presidente de Cs, Albert Rivera, quen pediu ao ministro de Facenda non a súa dimisión, senón que compareza no Congreso para explicar se era consciente de que a amnistía fiscal "estaba feita a medida para os corruptos".


Rivera defendeu que "agora que se sabe que é inconstitucional, ten que haber responsabilidades políticas".


SINDICATOS TAMÉN PIDEN QUE MONTORO SE VAIA


UGT tamén pediu que o Goberno asuma "responsabilidades" tras o fallo do Tribunal Constitucional, xa que "non pode pasar pola vida política sen consecuencias".


Nun comunicado, o sindicato pide que o Executivo de Mariano Rajoy asuma responsabilidades tras a sentenza que inclúe argumentos "tan graves" sobre a amnistía fiscal como que "supuxo a abdicación do Estado ante a súa obrigación de facer efectivo o deber de todos de concorrer ao sostemento dos gastos públicos".


O colectivo de técnicos do Ministerio de Facenda (Gestha) uniuse tamén á petición de dimisión. Nun comunicado, celebra o "forte pau ao Goberno" que dá esta sentenza, a cal considera que creba os principios de capacidade económica, igualdade e progresividade recollidos no artigo 31.1 da Constitución, e considera que Montoro "non velou por preservar os principios esenciais que deben rexer o sistema tributario para que sexa considerado xusto, polo que a continuidade do titular da carteira de Facenda é insustentable".


O PP ASUME O ERRO "NA FORMA" PERO NON "NO FONDO"


O portavoz do Grupo Popular no Congreso, Rafael Hernando, asumiu este venres que o Goberno de Mariano Rajoy equivocouse ao aprobar a 'amnistía fiscal' de 2012 a través dun decreto-lei, como puxo de manifesto o Tribunal Constitucional, pero recalcou que, aínda que foi un erro "na forma", non o foi "no fondo". Tamén precisou que será o ministro de Facenda, Cristóbal Montoro, cuxa dimisión xa pediu a oposición, quen "determine o alcance" que debe ter a sentenza.

relacionada O TC declara inconstitucional a amnistía fiscal de 2012

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE