Unha trintena de asociacións animalistas rexeitan a futura lei galega
Entenden que o proxecto de lei de protección animal que comezou a súa tramitación "pretende facer negocio co abandono".
Preto dunha trintena de asociacións animalistas de distintos puntos de Galicia expresaron o seu rexeitamento ao proxecto de lei de protección animal que este martes comezou a súa tramitación na Cámara, por entender que "pretende facer negocio co abandono" en lugar de "acabar" con esa práctica.
A través dun comunicado, estes grupos esixiron que a nova normativa obrigue a identificar a todos os animais de compañía, non só os cans; aumentar os tempos para a recollida de animais abandonados e suprimir a catalogación como infracción moi grave da recollida de animais extraviados ou abandonados.
Entre os 17 puntos que subscriben, tamén rexeitan o aumento de razas e de cruces considerados 'potencialmente perigosos', tendo en conta que a nosa comunidade lidera o ránking español con máis razas catalogadas deste xeito.
Galicia, Mellor sen Touradas esixe que a lei de benestar animal prohiba a tauromaquia
O PSdeG presenta unha emenda á totalidade da lei de benestar animal
UUAA critica que a lei de protección animal só serve "para mascotas en contornas urbanas"
Alimentar animais abandonados e recollelos sairá moi caro
Escribe o teu comentario