A prensa mexicana insiste en que Hirving Lozano acabará en Vigo
Afirman que o acordo está pechado de maneira definitiva desde este luns e depende da selección a chegada do xogador a Galicia.
Se a prensa mexicana acerta, Hirving Lozano é a segunda fichaxe do Celta para a próxima campaña. Fox Sports afirma que o acordo está pechado de forma definitiva desde este luns, tras unha reunión entre Pachuca e a cúpula celeste.
Agora faltaría definir a data de chegada do xogador, convocado pola selección mexicana para varios compromisos internacionais. E é que o combinado disputa este verán dúas competicións.
Segundo afirma o medio local, o Celta pretende ter a Lozano tras a primeira delas, que ten a final fixada para o 2 de xullo. Pero depende da decisión que tome o seleccionador nacional, que planea unha convocatoria moi longa e repartir xogadores entre os dous compromisos.
O Celta presenta as súas camisetas para a próxima tempada
En México dan por pechado o traspaso ao Celta da xogador revelación da súa liga
Escribe o teu comentario