A sinistralidade na estrada aumenta un 75% en maio en Galicia

Dous dos falecidos eran menores de 25 anos e cinco dos sinistros debéronse a saídas de vía. 


|

Accidenterianxobomberos


A sinistralidade viaria aumentou un 75 por cento en maio en Galicia, ao pecharse o mes con sete falecidos en sete accidentes de tráfico nas estradas, fronte ás catro vítimas en catro sinistros no mesmo período de 2016.


Así se reflicte nos datos facilitados este venres pola Dirección Xeral de Tráfico (DXT), recollidos por Europa Press, que sitúan á provincia de Lugo co maior aumento, de ningunha a catro vítimas mortais en catro sinistros.


Mentres, na provincia de Pontevedra mantéñense os mesmos datos que o ano pasado, dous falecidos en dous accidentes, así como na de A Coruña, un falecido nun sinistro.


Na única provincia na que descendeu a sinistralidade foi na de Ourense, na que se pasou dun morto nun accidente en maio de 2016 a ningunha vítima.


O balance da DXT apunta que dos sete accidentes mortais contabilizados no mes de maio, cinco debéronse a saídas de vía, un a un atropelo e outro a un envorco.


Dúas das vítimas mortais eran menores de 25 anos; tres delas se situábanse entre os 36 e 45 anos; outra, entre os 56 e 65; e outra era maior de 65, segundo os datos difundidos pola DXT.


CINCO MESES


No que vai de ano, ata maio faleceron 31 persoas en 28 accidentes de tráfico, fronte ás 38 vítimas en 37 sinistros do mesmo período de 2016, o que supón un descenso do 18,4 por cento no número de persoas mortas e unha caída do 24,3%, no de incidentes.


O número de vítimas mortais descendeu nas provincias de Ourense --de dúas a unha--, Pontevedra --de 10 a 8-- e Lugo, -- de 12 a 8--, mentres que se mantivo igual na da Coruña --14 falecidos--.

relacionada Morren dúas persoas nunha aparatosa colisión en Rianxo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE