Pleno infantil contra o acoso escolar no Pazo do Hórreo

Uns 80 escolares de Galicia exercerán de deputados por un día en un pleno infantil este venres no Pazo do Hórreo no que reflexionarán sobre o respecto e a convivencia fronte ao acoso escolar.

Segundo informa Aldeas Infantís SOS, os escolares abordarán os valores protagonistas do programa educativo da entidade 'Abraza os teus valores', no que participan 7.500 alumnos de Infantil e Primaria de 75 colexios galegos.

Os alumnos representarán aos colexios San Rosendo, de Ferrol; Monte Baliño, de Pantón; Inmaculada, de Ourense; e Monterrey, de Vigo. Os seus portavoces expoñerán os discursos e propostas desde a tribuna. Posteriormente, procederán a votar a opción que máis lles guste e comprometeranse a cumprila.

O pleno infantil, segundo apunta a entidade contará coa presenza do vicepresidente primeiro do Parlamento de Galicia, Diego Calvo; o conselleiro de Política Social, José Manuel Rey Varela; e do presidente de Aldeas Infantís SOS, Pedro Puig Pérez.