A subida salarial do 1% ao funcionariado é a "antesala" da que se pactará en 2018
Dependendo da aprobación das contas do Estado, o incremento aplicarase xa na nómina de xuño ou xullo, e con carácter retroactivo.
Durante a primeira sesión do debate do ditame da Comisión de Orzamentos do Congreso dos Deputados sobre o proxecto orzamentario de 2017, Montoro asegurou que a subida salarial do 1% para os empregados públicos é a "antesala" da que se pretende acordar para 2018.
Montoro agradeceu aos sindicatos a "gran tarefa" realizada durante a negociación, que permitiu "mellorar as condicións laborais para os empregados públicos".
Dependendo do calendario de aprobación das contas do Estado, a subida do 1% aplicarase xa na nómina de xuño ou na de xullo, pero este aumento ten carácter retroactivo. É dicir, aplícase con data ao 1 de xaneiro, como establece proxecto de lei das contas do Estado. É o segundo ano consecutivo que os funcionarios galegos de todas as Administracións ven aumentar o seu salario un 1% tras anos de conxelación e dun recorte do 5%.
O si de Nueva Canarias garante a aprobación dos Orzamentos
Montoro, cada vez "máis convencido" de poder sacar adiante os Orzamentos
Rajoy: "Non aprobar os Orzamentos sería un disparate"
Escribe o teu comentario