Telefónica, CaixaBank e El Corte Inglés, as empresas españolas máis exitosas e próximas

|

Telefonicacaixabankcorteingles


Telefónica, CaixaBank e El Corte Inglés lideraron o ránking de empresas españolas con máis prestixio e mellor reputación do estudo global sobre éxito empresarial de Advice Strategic Consultants.


Segundo explicou a compañía, o informe realizouse cun índice de confianza do 95,5% e sobre un total de 800 entrevistas a empresarios, analistas, xornalistas, académicos, políticos, representantes do terceiro sector e 2.400 entrevistas a poboación xeral.


A maior valoración é a de Telefónica (8,5 puntos sobre un máximo de 10), que destaca por ser a empresa máis innovadora de España. Séguenlle La Caixa-CaixaBank (8,1), que foi recoñecida pola súa responsabilidade social empresarial, e El Corte Inglés (7,8), polos seus produtos de calidade e a súa transformación dixital cara ao comercio electrónico.


Pola súa banda, Inditex (7,7 puntos) preside o ámbito téxtil e Mercadona (7,5 puntos) está asociada a "unha política de prezos moi barata" en alimentación.


Cunha puntuación de 7,4, sitúase Gas Natural Fenosa, por ser referente mundial en enerxías limpas e eficiencia empresarial.


"Telefónica, La Caixa-CaixaBank e El Corte Inglés, son as tres grandes empresas españolas mellor xestionadas empresarialmente e, en consecuencia, con máis prestixio e mellor reputación: son os trazos que máis as definen", asegura o socio director xeneral de Advice Strategic Consultants, Jorge Díaz Cardiel.


Os MEDIOS DE COMUNICACIÓN PARA DARSE A COÑECER


O estudo tamén analiza o nivel de coñecemento informado que teñen os españois acerca das grandes empresas do país. As máis próximas e coñecidas son Telefónica, La Caixa e El Corte Inglés, cunha familiaridade próxima ao 99%.


Respecto das canles a través dos cales se dan a coñecer, destacan as noticias que aparecen nos medios de comunicación sobre estas empresas, os patrocinios, o tipo de actividade a que se dedican, as campañas de publicidade e as noticias que se poden ler na internet sobre elas. Todas estas canles teñen unha valoración superior ao 7 nunha escala de 1 a 10.

relacionada Telefónica, La Caixa e El Corte Inglés, percibidas como as empresas que máis achegan ao crecemento

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress