Etiquetas diferenciadas para recoñecer o leite procedente de granxas sustentables
Dez explotacións galegas con prácticas eficientes desde o punto de vista ambiental participan nun proxecto europeo con este obxectivo.
A Consellería do Medio Rural participará no proxecto europeo 'Dairy for future', que busca establecer unha etiquetaxe específica do leite que procede de granxas con prácticas eficientes desde o punto de vista ambiental.
O proxecto, baixo o título 'Dairy for future', foi aprobado polo comité de seguimento de Proxectos Interreg da convocatoria Interreg da Rexión Atlántica e ten catro anos de duración, tal e como indicou a Xunta nun comunicado.
Este proxecto conta cun orzamento próximo aos catro millóns de euros e nel participan, xunto ao Instituto Galego de Calidade Alimentaria (Ingacal) e o Centro de Investigacións Agrarias de Mabegondo (CIAM), prestixiosos centros de investigación, entidades de asesoramento e universidades de outras nove rexións do Arco Atlántico, que abarcan desde Escocia ata as Illas Azores.
Contará cunha rede de 100 granxas piloto distribuídas polas 10 rexións que participan no proxecto, e 10 destas explotacións estarán en Galicia.
Gandeiros de Perú visitan Galicia para intercambiar experiencias co sector lácteo
O sector lácteo, o esquecido da reunión entre Feijóo e Competencia
O SLG presenta alegacións á etiquetaxe dos lácteos
Escribe o teu comentario