O musical de Mary Poppins chega a Pontevedra e Vigo

|

Marypoppinsmusical 1


O clásico sobre as máxicas aventuras da aia Mary Poppins chegará a Galicia este último fin de semana de maio coa produción 'Mary Poppins, o musical', que os días 27 e 28 estará nas sedes de Afundación de Pontevedra e Vigo, respectivamente.


En concreto, o espectáculo terá lugar a as 18,30 horas do sábado na sede Afundación de Pontevedra, e estará o domingo á mesma hora no Teatro Afundación de Vigo. As entradas pódense adquirir na páxina web Ataquilla.com e no teléfono 902.504.500.


Esta obra "rende tributo", segundo indica a organización, á autora da novela de Mary Poppins, Pamela Lyndon Travers, e conta a historia dunha familia inglesa de principios do século XX que decide contratar a unha aia para os seus fillos.


Mary Poppins é a elixida e, con axuda dos seus poderes e do seu amigo Bert, ensinará aos nenos valores e a converter o seu mundo nun paseo de maxia, música e cor.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress