Rajoy rexeita diálogar baixo a ameaza dunha declaración de independencia

Rajoy respondeu este xoves por carta ao presidente da Generalitat, Carles Puigdemont, que non cabe ningunha negociación sobre o referendo a "costas das verdadeiras canles democráticas e da lei". Ademais, recrimínalle que ofreza diálogo pero logo "ameace" con "unha declaración de independencia" en caso de non ser "satisfeitas as pretensións" do Goberno catalán.

Desta forma responde á misiva que Puigdemont lle enviou este mércores solicitando a Rajoy iniciar "negociacións sobre os termos e as condicións do referendo" en Cataluña e expresando a súa vontade de buscar unha "solución política pactada e acordada" ante a demandas da cidadanía de Cataluña de poder decidir sobre o seu futuro político.

A contestación do presidente do Goberno non gustou á o mandatario catalán, que lamentou o rexeitamento para negociar o referendo: "Non é a resposta que esperabamos, non serve para resolver ou encarrilar a resolución do desencontro".

Amplía esta información en CatalunyaPress.