Pedro Sánchez posiciónase en contra da "mal chamada maternidade subrogada"
O candidato á secretaría xeral do PSOE tamén se amosa contrario á "custodia compartida imposta".
O candidato para liderar o PSOE, Pedro Sánchez, manifestouse este xoves claramente en contra dos ventres de aluguer nun acto con militantes socialistas feministas. "Non estou a favor de usar o corpo da muller nin para a prostitución nin para a mal chamada maternidade subrogada", afirmou.
Nese acto, e a preguntas de varias das asistentes, o exsecretario xeral socialista que aspira a ser elixido de novo para esa responsabilidade nas primarias deste domingo tamén se mostrou contrario á "custodia compartida imposta" e comprometeuse a traballar, se resulta elixido, para restituír o "dereito" de abortar ás mulleres de entre 16 e 18 anos e a incluír a igualdade de xénero como dereito nunha futura reforma constitucional.
Escribe o teu comentario