A Valedora abre unha queixa sobre a imposibilidade de aprender a conducir en galego
Os manuais de autoescola están todos en castelán, polo que a Valedora do Pobo acaba de abrir unha queixa de oficio.
A valedora do Pobo, Milagros Otero, abriu unha queixa de oficio sobre a imposibilidade para acceder a manuais de autoescolas en lingua galega.
Segundo informa a institución nun comunicado, deste xeito preocúpase por unha das demandas realizadas polos participantes na última convocatoria das marchas 'Correlingua' en favor do galego.
Así, Otero enviou unha carta á Federación Galega de Autoescolas para coñecer se é imposible para os novos condutores acceder a manuais de formación no idioma propio de Galicia. E se é así, coñecer "que medidas ten previsto implantar a federación" para que existan textos en galego nas academias.
Por mor da apertura da investigación de oficio, a valedora tamén dirixe un escrito á Secretaría Xeral de Política Linguística. En concreto, solicítase que informe sobre os datos cos que conta sobre esta "carencia", así como para garantir os dereitos lingüísticos nesta materia.
A Mesa presenta un 'Black Mirror' á galega para concienciar sobre os dereitos lingüísticos
A Mesa leva a Lugo unha campaña para esixir ás empresas privadas atención en galego
O Sergas, o organismo público que máis queixas rexistra por "racismo lingüístico"
Escribe o teu comentario