O Val dos Caídos, un buraco millonario nas contas de Patrimonio

|

Vallecaidos


O Val dos Caídos xerou un déficit acumulado de 2,56 millóns de euros a Patrimonio Nacional no últimos tres anos, pois recadou por entradas 3,8 millóns de euros e en cambio tivo que afrontar gastos por 6,4 millóns, segundo os datos do período 2014-2016.


Estes son os datos achegados polo Goberno de Mariano Rajoy ao deputado do PSOE por Córdoba Antonio Hurtado, quen se interesaba por coñecer os gastos de explotación do Val dos Caídos no últimos tres anos.


Na súa contestación, que recolle Europa Press, o Executivo informa de que a recadación que obtén pola venda de entradas ascendeu a 1,22 millóns en 2014, 1,31 millóns en 2015 e 1,34 millóns en 2016. En total, obtivo uns ingresos de 3,87 millóns de euros.


Con todo, nese mesmo período o volume de gastos de explotación do Val dos Caídos foi de 6,44 millóns de euros: 2,06 millóns en 2014; 2,54 millóns, en 2015 e 1,83 millóns de euros, en 2016, polo que o saldo negativo superou os 2,5 millóns.


O groso dos gastos destínase principalmente a pagar o persoal, con cifras de 1,28 millóns en 2014 e 1,04 millóns en 2015 e 2106. Con todo, no ano 2015, no que se rexistrou o maior déficit do período analizado, dedicáronse tamén máis de 715.000 euros a pagar gastos correntes en bens e servizos, moi por encima do ano anterior e posterior.


A CAFETERÍA TAMPOUCO É NEGOCIO


Na contestación constátase que tampouco a cafetería amosa grandes cifras de negocio, aínda que o establecemento foi adxudicado en 2012 a unha entidade privada que o xestiona, polo que non supón máis gasto ao erario público.


En concreto, a cafetería ingresou máis de 115.000 euros o últimos tres anos: máis de 42.000 euros en 2014, 36.914 en 2015 e 36.157 en 2016, pero o adxudicatario está suxeito a compromisos de canon e de investimentos.


O contrato da cafetería do Val dos Caídos conclúe este ano, aínda que ten prevista unha posible prórroga por outros cinco anos máis.

relacionada O Congreso aproba hoxe unha iniciativa para sacar a Franco do Valle dos Caídos
relacionada O PSOE pide exhumar a Franco do Valle dos Caídos para "resignificar" este espazo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress