A Xunta defende a "fusión" de oficinas turísticas na provincia de Pontevedra

|

Turismoriasbaixas


A directora de Turismo de Galicia, Nava Castro, subliñou que a idea do departamento que dirixe é "seguir defendendo" a "fusión" das oficinas de información turística na provincia de Pontevedra, pero fixo fincapé en que non ten "resposta" da asesoría xurídica da Deputación provincial.


"O único que se necesita é un informe xurídico da asesoría xurídica da Deputación", remarcou Nava Castro tras participar na presentación da nova edición de 'Galicia a todo tren' e tras ser preguntada polos medios respecto diso.


Neste sentido, explicou, tras destacar que a súa intención non é entrar nunha discusión coa presidenta provincial, que a Xunta ten, desde hai dous anos, un informe "favorable" da súa asesoría xurídica e que só falta o da Deputación pontevedresa. "Non temos resposta da asesoría xurídica da Deputación", indicou, para logo tachar a actuación da presidenta da Deputación de "desleal".


E é que Carmela Silva reprochou á directora de Turismo de Galicia as dificultades para poder implantar un modelo unificado de oficinas de información turística na provincia de Pontevedra.


Nava Castro apostou por "seguir defendendo a fusión": "O turista non entende de administracións, o que quere é que se de unha información". "É o que queremos facer en Pontevedra", asegurou.

relacionada A Xunta quere que Galicia sexa "un destino tranquilo" e non un lugar onde "tostarse ao sol"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress