Caen dous grupos criminais especializados en roubos con forza no sur de Pontevedra

|

Roboventana


A Garda Civil detivo os principais responsables de dous grupos criminais, especializados nos roubos con forza, aos que se lles atribúe a comisión de máis dunha trintena de feitos delituosos desde o ano 2015 na provincia de Pontevedra.


As investigacións levadas a cabo polo Equipo de Policía Xudicial da Garda Civil de Tui iniciáronse polo importante número de roubos con forza que se produciron no sur da provincia de Pontevedra nos anos 2015 e 2016, fundamentalmente en bares, vivendas, centros escolares e igrexas, tal e como relatou a Garda Civil nun comunicado.


O desenvolvemento da operación, que se bautizou co nome de 'Altar', permitiu coñecer que se trataban de dous grupos de mozos, en idades comprendidas entre os 20 e 30 anos, perfectamente diferenciados, os que cometían os roubos con forza, un deles liderado por A.S.P., de 31 anos, e o outro totalmente distinto e sen conexión co anterior liderado por G.B.A.S., de 23 anos.


En ambos os casos trátase de mozos asentados en Vigo, que só tiñan como modo de vida a comisión de roubos con forza para subsistir e adquirir sustancias estupefacientes para o seu propio consumo.


Desde 2015 viñéronse producindo unha serie encadeada de detencións, que concluíron o pasado xoves co arresto de FJ.M.E., e C.C.M. Con estas detencións suman sete as persoas arrestadas e considéranse desarticulados dous grupos criminais aos que se lles atribúe a comisión de 34 feitos delituosos por roubo con forza ocorridos na provincia de Pontevedra, fundamentalmente en bares, cafeterías, vivendas habitadas, colexios e igrexas.


Todos os detidos, que contan cun amplo historial delituoso por feitos similares, foron postos no seu día a disposición das distintas autoridades xudiciais competentes e atópanse en liberdade provisional con cargos.

relacionada Detidas 59 persoas por 120 roubos en varias provincias, entre elas A Coruña
relacionada Prisión para catro membros dunha banda que asaltaba vivendas de Ourense
relacionada Pillan a tres ladróns 'in fraganti' nunha vivenda de Vigo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress