Feijóo reitera a importancia da detección precoz do cancro de mama

|

Cancermama


As mulleres diagnosticadas de cancro de mama no programa galego de detección precoz presentan "mellores datos de supervivencia", tal e como destacou o presidente autonómico, Alberto Núñez Feijóo.


En concreto, como el mesmo detallou ao termo do Consello da Xunta, a supervivencia aos cinco anos das mulleres diagnosticadas no programa é do 96,6 por cento; moi por encima do 83,1 por cento dos casos nos que se detecta por outra vía.


"Mostra a utilidade do programa", salientou o mandatario, tras apuntar que o ano pasado realizáronse case 154.000 exploracións e que iso supón chegar a máis do 83 por cento das mulleres de entre 50 e 69 anos de idade.


Tamén sinalou que na gran maioría das exploracións non se apreciaron lesións e que nun 2,41 por cento dos casos realizáronse probas complementarias por existir sospeitas.


HIXIENE DE MANS


Por outra banda, o Consello da Xunta coñeceu o informe sobre o desenvolvemento da estratexia galega de mellora da hixiene das mans nos centros asistenciais do Sergas.


Coincide no tempo coa celebración do Día Mundial da Hixiene das Mans que se celebra o venres baixo o lema 'A loita contra a resistencia aos antimicrobianos está nas túas mans'.

relacionada Prevención e diagnóstico precoz para frear a epidemia do cancro de pel
relacionada O café, un aliado na prevención do cancro de próstata
relacionada Prevención e diagnóstico precoz para frear a epidemia do cancro de pel

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress