A visión da actualidade galega desde Madrid, por Manuel Jabois
O xornalista de Sanxenxo, reputado columnista de El País, estará este xoves na Cámara de Comercio de Santiago.
Manuel Jabois // O País Cultura
O xornalista Manuel Jabois (Sanxenxo, 1978) abordará este xoves, 4 de maio (20,00 horas) na Cámara de Comercio de Santiago a visión que existe da actualidade galega desde Madrid.
Jabois traballou para medios como Diario de Pontevedra, O Progreso, El Mundo e Jot Down. Desde 2015 publica columnas periódicas en El País e na actualidade colabora coa Cadea SER.
Gañador do XXIV Premio Nacional de Xornalismo Julio Camba 2003, publicou obras como 'Irse a Madrid y otras columnas' (2011) e 'Nos vemos en esta vida o en la otra' (2016), unha reportaxe no que narra a historia de Gabriel Montoya, coñecido como o Gitanillo, único menor implicado nos atentados do 11-M.
Escribe o teu comentario