Javier Dorado: "O goberno de Vigo instalouse nas cloacas"

|

Javierdoradovigo


O PP de Vigo denunciou este martes que o goberno municipal presidido por Abel Caballero "instalouse nas cloacas" e acusou ao rexedor e aos seus colaboradores de converter o Concello "nun cortijo", á vez que lembrou que, unha semana despois de coñecerse a apertura de xuízo contra un funcionario polo suposto 'enchufe' dunha cuñada de Carmela Silva, o alcalde "segue sen dar explicacións".


Así o manifestou en rolda de prensa o secretario xeral do PP vigués, Javier Dorado, quen criticou que, ante "un escándalo de gran magnitude", nin Caballero nin Carmela Silva deron explicacións nin asumiron "responsabilidades políticas".


"Isto é insustentable, cheira moi mal. O goberno de Vigo instalouse nas cloacas, e o Concello de Vigo converteuse nun cortijo político, é inaceptable", proclamou Javier Dourado.


O secretario xeral do PP de Vigo subliñou que a noticia da apertura de xuízo oral contra este alto funcionario (para quen a Fiscalía pide 8 anos de prisión por prevaricación, malversación e falsidade documental) coincidiu coa visita á cidade de Susana Díaz.


"Parece que en Vigo se sente como na casa. Na primeira fila do acto había sentados ata 5 imputados do goberno local", ironizou, e engadiu que o goberno de Caballero ten ao 35 por cento dos seus membros investigados en causas xudiciais, incluído o propio rexedor.

relacionada Santos Héctor queda absolto do enchufe dunha cuñada de Carmela Silva
relacionada O funcionario vigués que supostamente enchufou a cuñada de Carmela Silva enfróntase a 8 anos de prisión

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress