Comeza este martes a terceira edición da 'Ourense ICC Week'

A terceira edición da 'Ourense ICC Week' comeza este martes, de forma que, ata o domingo 7, a cidade será "epicentro da cultura, creatividade, audiovisual, música, novas tecnoloxías, gastronomía e as tendencias dixitais", destaca a organización.

O evento reunirá uns 40 relatores de diversos campos que participarán nas case 120 horas de actividade que ofrece. A xornada inaugural desta edición contará coa escritora Elsa Punset e o xornalista e director Javier Rioyo como convidados especiais.

Presentados polo presidente da Deputación, José Manuel Baltar, ambos expoñerán a súa visión sobre a cultura e a creatividade como valor nos territorios ás 18,00 horas no Centro Cultural Marcos Valcárcel, nun encontro que xa ten todas as súas entradas esgotadas.

Depedro ofrecerá un concerto ás 21,00 no Teatro Principal de Ourense para presentar o seu último traballo, 'El Pasajeiro'. Con este proxecto musical en solitario, Jairo Zavala ofreceralle ao público un traballo sorprendente pola súa propia linguaxe sonora e literario.