O mapa de colexios de Lugo necesita unha revisión urxente
Moitas familias "teñen que acabar desprazándose a outros centros afastados ou privados", denuncian desde o BNG.
A deputada do BNG por Lugo, Olalla Rodil, sinalou a necesidade de que o Goberno galego afronte unha revisión da zonificación dos centros educativos do Concello de Lugo para "adaptala á realidade de hoxe".
"Son moitas as familias que non teñen posibilidade de matricular a nenas e nenos nos centros públicos máis próximos á súa residencia e teñen que acabar desprazándose a outros centros afastados ou acudindo a centros privados", subliñou Rodil.
Segundo defendeu a parlamentaria, e tal e como indicou o Bloque nun comunicado, a zonificación tense que realizar valorando as zonas de expansión da cidade e tratando de realizar "unha proposta equilibrada, con criterio e encamiñada a que os centros públicos ofrezan servizo a todo o alumnado, atendendo á proximidade das súas vivendas".
Alarma en Ourense polo intento de secuestro dun neno á saída do colexio
A Deputación de Lugo achega a Maruja Mallo aos centros educativos
O PSdeG critica que a Xunta salva aos colexios concertados dos recortes
Escribe o teu comentario