Zapatero, contrario aos referendos porque "dividen apaixonadamente"

|


Zapatero 1


O ex presidente do Goberno José Luis Rodríguez Zapatero rexeitou a celebración dun referendo en Cataluña sobre a independencia porque este tipo de consultas "dividen apaixonadamente".


"O referendo é un mal expediente. É o peor mecanismo, como temos comprobado", asegurou nunha entrevista publicada este domingo por 'El Periódico' e recollida por Europa Press na que sostén que os perdedores nun referendo adoitan buscar o desquite a través dun segundo sufraxio, como ocorreu en Quebec e se esixe en Escocia.


A solución, para o ex presidente socialista, pasa por partir de novo do Estatut de Catalunya de 2006 porque, ao seu modo de ver, é o punto no que as institucións catalás empezaron a afastarse: "É aí onde nos bifurcamos".


O PP "GAÑOU AS ELECCIÓNS"


Preguntado pola disparidade de opinións no Partido Socialista por mor da abstención que facilitou a investidura do candidato do PP, Mariano Rajoy, como presidente do Goberno, puntualiza que a proclamación de Rajoy non foi grazas ao PSOE senón a que "o PP gañou as eleccións" e non había alternativa.


"A proba de que non había forma é que estivemos oito meses esperando" e que uns novos comicios desen, segundo as sondaxes do momento, unha vitoria maior ao PP.


PRIMARIAS TRANSCENDENTAIS


Para Zapatero, as primarias que o PSOE celebrará o vindeiro domingo 21 de maio son transcendentes porque o partido vén "do peor resultado electoral na historia" e defende a candidatura da presidenta da Junta de Andalucía, Susana Díaz, por convicción, di.


"Gañou as únicas eleccións ás que se presentou e foi sempre unha persoa coherente co PSOE", argumenta, e reafírmase na súa opinión de que hai prexuízos en Cataluña sobre Díaz por ser muller e andaluza.


"Lin comentarios", expón, e engade que ás mulleres lles custa máis acceder a postos de poder, polo que non houbo aínda unha presidenta do Goberno central nin da Generalitat, apunta.

relacionada Zapatero: "Obama díxome que facer autocrítica é equivocarse dúas veces"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress