Os veciños de 'A Ponte', en Ourense, terán o primeiro 'ecobarrio' galego

|

Plazaabastosaponteourense 1


O presidente da Xunta, Alberto Núñez Feijóo, destacou este xoves que os 20.000 veciños da Ponte, en Ourense, contarán co primeiro 'ecobarrio' en Galicia, un proxecto "á vangarda" das enerxías renovables que permitirá, segundo cálculos do Executivo, reducir un 30 por cento o consumo de enerxía neste barrio.


Tras unha primeira avaliación do proxecto, despois de que a Comisión Europea se mostrase esta semana interesada e disposta a participar no seu financiamento, Feijóo subliñou que esta proposta buscará poñer de manifesto o "enorme potencial xeotérmico" da cidade.


Ademais, supoñerá "unha oportunidade" para 20.000 veciños da Ponte e para 35 edificios públicos, entre os que se atopan centros de ensino e de saúde, un hospital de día e unha praza de abastos.


Entre outras medidas, esta iniciativa propón empregar sistemas de 'district heating' que proporcionen tanto calefacción como auga quente, mellorar as envolventes dos edificios, ou substituír os equipos actuais de iluminación exterior por sistemas máis eficientes.


O presidente salientou o "apoio" do comisario europeo Miguel Arias Cañete para crear un grupo de traballo no que tamén estean representantes do Banco Europeo de Investimentos (BEI) e do ICO, para poder fixar unha estratexia de financiamento.


Así mesmo, destacou a decisión de elaborar un convenio marco entre a Consellería de Economía, o Concello e entidades financeiras para profundar nas fórmulas de financiamento deste proxecto, tanto das actuacións para desenvolver nos edificios públicos como nas axudas aos edificios privados.

relacionada Ourense podería converterse en "símbolo mundial" da enerxía xeotérmica

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress