Aumenta o número de fogares galegos con todos os seus membros en paro
A Enquisa de Poboación Activa mostra un aumento en 4.300 unidades no primeiro trimestre de 2017, ata un total de 73.900.
O número de fogares no que todos os seus membros activos están en paro en Galicia aumentou en 4.300 unidades no primeiro trimestre deste ano respecto dos tres meses anteriores ata un total de 73.900.
Así figura na Enquisa de Poboación Activa (EPA) feita pública este xoves, na que se recolle que hai un descenso de 6.300 unidades fronte a un ano antes (-7,9%).
Pola súa banda, o número de fogares nos que todos os seus membros activos son ocupados diminúe en 12.700 unidades, ata un total de 558.000.
Con todo, en relación co primeiro trimestre de 2016, hai 9.200 fogares máis con todos os seus membros activos, o que supón unha alza o 1,7% en termos relativos.
Ademais, o número de fogares nos que non hai ningún membro activo sobe en 4.200 ata 346.000 (+1,2%). Respecto de 12 meses antes increméntanse en 1.900 (+0,6%).
Sobe o paro en 12.900 persoas en Galicia
Un de cada catro parados galegos vive nunha situación de desemprego crónica
O paro en España segue sendo case o dobre da media dos países da eurozona
Escribe o teu comentario