Berizzo: "Espérannos partidos difíciles contra rivais moi duros"
O técnico celtista non dá por perdidas as posibilidades do Celta na liga e insiste na competitividade máxima.
O celtismo ten as súas esperanzas postas na Europa League, pola fenda aberta na clasificación ligueira respecto dos postos europeos. Berizzo, con todo, non dá por perdida a esperanza na competición doméstica. "Matematicamente hai unha distancia considerable. Pero os partidos hai que enfrontalos con moita competitividade. Ata que matematicamente non existan opcións, pelexaremos", manifestou o técnico.
O adestrador do Celta vai paso a paso: "O partido de Manchester vén nuns días, pero espérannos partidos difíciles contra rivais moi duros, así que enfrontaremos o encontro do Manchester desde o luns".
Sobre a última derrota dos celestes, Berizzo asume a súa culpa, porque "o cambio de debuxo non nos axudou e non presionamos ben, e iso é responsabilidade do adestrador".
Ademais, lamentou que as malas sensacións chegasen dos menos habituais. "A xente nova sempre está a esperar partidos así, sentíronse incómodos e non nos recoñecemos no trámite do partido a nosostros mesmos. Prefiro un debuxo máis tradicional", sentenciou.
Escribe o teu comentario