Pepe Mel: "O equipo corre moito, pero corre mal"

"Temos claro cal é o defecto e empezamos a poñerlle cura", di o técnico deportivista, que afirma que "só pensamos en tres puntos" ante o Madrid.


|

PepemelentrenadorPepe Mel, nun adestramento. //Fonte: RC Deportivo.


O Dépor aspira a dar boa imaxe no choque deste mércores contra o Real Madrid. Así, cun "mínimo de catro cambios" en mente, Pepe Mel, evita reproches aos seus xogadores por falta de intensidade: "Non lle podo dicir que non teñen actitude. O equipo corre moito, pero corre mal porque corre cando non debe de correr. Perdemos a pelota con moita facilidade e iso é moita vantaxe para o rival."


Neste sentido, o técnico afirma que "temos claro cal é o defecto e empezamos a poñerlle cura". Eses probemas derivan de que "se non circulas ben o balón porque temos erros no xogo posicional, e o que ten a pelota no canto de ter 3 ou 4 liñas de pase claras para saír xogando non ten ningunha, perdes o balón e tes que correr máis do que debes".


Contra o Madrid, este mércores, non dá nada por feito. "Estamos como para reservar xente! Se fixese iso contra Atlético e Barça vete a saber o que pasaría", defendeu o adestrador, que conseguiu catro puntos contra dous dos mellores equipos da categoría.


Pepe Mel tamén fai autocrítica sobre o seu papel e o dos seus xogadores neste tramo final da campaña: "A tempada acabe como acabe, non é para que ninguén estea orgulloso nin contento, empezando por min mesmo. Eu tamén quería moito máis. Non estou contento co rendemento que estou a conseguir sacar. Despois do arranque que tivemos esperaba máis".

relacionada O Dépor quere repetir contra o Madrid a sopresa do Barça
relacionada O Dépor cae pola mínima en Anoeta sen apenas loitar
relacionada Pepe Mel: "A miña obsesión é que todos os futbolistas pensen que o adestrador conta con eles"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE