Renfe pon á venda o primeiro lote de 25.000 billetes de AVE a 25 euros
Ao longo deste ano serán 250.000 billetes a prezo reducido para viaxar en todos os trenses AVE e Alvia de España.
Renfe pon este martes á venda o primeiro lote de 25.000 billetes de trens AVE a 25 euros, do total de 250.000 prazas que comercializará a este prezo ao longo deste ano para conmemorar os 25 anos da Alta Velocidade.
O resto de billetes que conforman a promoción iranse poñendo á venda o día 25 de cada mes, por lotes de 25.000 prazas, aínda que nun destes nove lanzamentos o número de prazas será de 50.000.
Os billetes serán para viaxar en todos os trens AVE e Alvia que circulan por toda España, segundo detallou a operadora nun comunicado de prensa.
A iniciativa de Renfe foi anunciada polo presidente do Goberno, Mariano Rajoy, o pasado venres, con ocasión dos actos de celebración dos 25 anos da inauguración da primeira liña AVE de España.
Escribe o teu comentario